თბილისის მერის, კახა კალაძის განცხადებით, ახალი წლის ღამეს მეტრო და ავტობუსები მგზავრებს უფასოდ მოემსახურება. ამის შესახებ კალაძემ დედაქალაქის მთავრობის სხდომაზე განაცხადა. მისივე განმარტებით, ავტობუსები დილის 4 საათამდე იმუშავებენ.

“საახალწლო კონცერტები 3 ლოკაციაზე გაიმართება. შესაბამისად, ჩვენ გამოვაცხადეთ, რომ მეტრო უზრუნველყოფს მგზავრების გადაყვანას უფასოდ . ასევე მინდა დავამატო, რომ ავტობუსების მომსახურება იქნება უფასო. ყველა რაიონიდან , ყველა უბნიდან შესაძლებელი იქნება , ვისაც სურვილი აქვს გლდანში, ვარკეთილში და ევროპის მოედანზე მობრძანდეს და დაესწროს კონტერტებს. მათი გადაყვანა უზრუნველყოფილი იქნება როგორც მეტროთი, ასევე ავტობუსებით. უფასო მგზავრობა დილის 4 საათამდე იქნება შესაძლებელი", - განაცხადა კალაძემ.