შს მინისტრი - საზღვრის დაცვის მიმართულებით არსებული გამოწვევები აშკარას ხდის, რომ ამ მიმართულებით დროის დაყოვნების საშუალება არ გვაქვს

ის გამოწვევები, რომელსაც დღეს საზღვრის დაცვის მიმართულებით ვაფიქსირებთ, აშკარას ხდის, რომ ამ მიმართულებით დროის დაყოვნების საშუალება არ გვაქვს, - ამის შესახებ შს მინისტრობის კანდიდატმა გიორგი გახარიამ რამდენიმე კომიტეტის გაერთიანებულ სხდომაზე განაცხადა. მისი თქმით, სამინისტროში ერთ-ერთი მიმართულება, რომელიც საჭიროებს სწრაფ რეფორმირებას, არის საზღვრის დაცვა.

”სასაზღვრო პოლიცია დღეს არის ერთ-ერთი უმნიშვნელოვანესი კომპონენტი შს სამინისტროს სისტემაში. ის გამოწვევები, რომელსაც დღეს ვაფიქსირებთ, აშკარას ხდის, რომ ამ მიმართულებით დროის დაყოვნების საშუალება ჩვენ არ გვაქვს. საბედნიეროდ, ამ მიმართულებით ჩვენი საერთაშორისო კოლეგები და პარტნიორები გვიდგანან გვერდით. მათთან ერთად უკვე დავიწყეთ კონკრეტულ და ყველაზე მწვავე სექტორებზე მუშაობა როგორც ინფრასტრუქტურის ნაწილში, ასევე სისტემური ცვლილებების მიმართულებით. მათ შორის, როგორიც არის ანალიზზე დაცული საზღვრის დაცვა და რა თქმა უნდა, ყველაზე დიდი გამოწვევა გვაქვს პერსონალის კვალიფიკაციაში. ჩვენ ვსაუბრობთ საერთაშორისო კოლეგებთან იმასთან დაკავშირებით, რომ მოხდეს გადამზადება საუკეთესო კადრების, რომელიც დღეს სისტემაში არსებობს. უნდა გამოვყოთ ის პოზიტიური კომპონენტი თანამშრომლობის საერთაშორისო პარტნიორებთან, როგორიც სასაზღვრო დაცვა. აქ გვაქვს კარგი შედეგები და ამ მიმართულებას გავაგრძელებთ”, - აღნიშნა გახარიამ.

ვახტანგ ძაბირაძე - ოპოზიციაში არ ჩანს ოპოზიციური ძალა, რომელიც ოპოზიციურად განწყობილი პოლიტიკური ძალებისა და ელექტორატის ლიდერი გახდებოდა
ქართული პრესის მიმოხილვა 11.11.2019
ზაალ ანჯაფარიძე - „ნაციონალები“ და „ევროპული საქართველო“ კი აცხადებენ, რომ სურთ არჩევნების გზით იარონ, მაგრამ ცალი თვალი მაინც რევოლუციურ სცენარზე უჭირავთ
„სამ რაან სპა-ცენტრი“ ევროპის საუკეთესო სპად დასახელდა