საქართველოს ყოფილმა პრეზიდენტმა მიხეილ სააკაშვილმა „ფეისბუქის“ პირად გვერდზე უკრაინის პრეზიდენტისადმი ღია წერილი გამოაქვეყნა. მიხეილ სააკაშვილმა პეტრო პოროშენკოს მოუწოდა ნებაყოფლობით გადადგეს.

„აღიარეთ, რომ თქვენ და თქვენს თანამოაზრეებს არ შეგიძლიათ უკრაინის უკეთესობისკენ შეცვლა. თქვენი ნებაყოფლობითი გადადგომა თითქმის ბოლო შანსია, რათა პოლიტიკური კრიზისი გადალახული იყოს, რომელიც სხვაგვარად მხოლოდ გაღრმავდება. პრეზიდენტს, რომელიც ნებაყოფლობით გადადგა და ხალხის წინაშე თავი დახარა, შეუძლია სასჯელის შემსუბუქებისა და შეწყალების იმედი ჰქონდეს“, - განაცხადა მიხეილ სააკაშვილმა.

გამოქვეყნებულ წერილში მიხეილ სააკაშვილმა პეტრო პოროშენკო სიხარბეში დაადანაშაულა. ასევე, აღნიშნა, რომ უკრაინის პრეზიდენტს არ სურს რეფორმების გატარება, რომელსაც უკრაინელი ხალხი არ მოითმენს.