ქალაქ ზუგდიდის ბოტანიკური ბაღის რეაბილიტაციას „მუნიციპალური განვითარების ფონდის“ მიერ გამოცხადებულ ტენდერში გამარჯვებული სამშენებლო კომპანია „ჯავა“ განახორციელებს. რეაბილიტაცისთვის 11,974,436.72 ლარი დაიხარჯება, რაც გამოცხადებული ტენდერის შესყიდვის სავარაუდო ღირებულებაზე (9 994 513.00 ლარზე) 1 979 923 ლარით მეტია.
„საქართველოს მუნიციპალური განვითარების ფონდში“ აცხადებენ, რომ სამუშაოები უახლოეს მომავალში დაიწყება.
„გამარჯვებული დღეს გამოვლინდა. შესაბამისად, კონტრაქტორი კომპანია ახალ წლამდე დაიწყებს მობილიზაციას“, - აღნიშნეს ფონდში.
კონტრაქტის თანახმად, სამუშაოები 18 თვის განმავლობაში უნდა დასრულდეს.