მიხეილ გიორგაძე - უპრეცედენტო იყო ბიუჯეტი, რომელიც ბოლო სამი წლის განმავლობაში კულტურული მემკვიდრეობის მიმართულებით დაიხარჯა

ბოლო სამი წლის განმავლობაში, 53 მილიონ ლარზე მეტი დაიხარჯა კულტურული მემკვიდრების მიმართულებით, - ამის შესახებ კულტურისა და ძეგლთა დაცვის მინისტრობის კანდიდატმა მიხეილ გიორგაძემ განათლების, მეცნიერებისა და კულტურის, სპორტისა და ახალგაზრდობის საქმეთა და ჯანმრთელობის დაცვისა და სოციალურ საკითხთა კომიტეტების გაერთიანებული სხდომაზე განაცხადა.

მისივე თქმით, 500-ზე მეტ ძეგლს ჩაუტარდა სარეაბილიტაციო-კვლევა-საკონსერვაციო სამუშაოები.

„2017-2018 წლებში 4 პრიორიტეტი გვაქვს სტრატეგიიდან ამოღებული, სადაც ჯამში 8 პრიორიტეტული მიმართულებაა. ეს პრიორიტეტები თანხვედრაში მოდის მთავრობის 4-პუნქტიანი გეგმის რეფორმასთან და წარმოადგენს: სახელოვნებო განათლებას, ინფრასტრუქტურას, შემოქმედებითი ინდუსტრიების განვითარებასა და კარგ მმართველობას. უნდა აღვნიშნო, რომ აბსოლუტურად უპრეცედენტო იყო ბიუჯეტი, რომელიც ბოლო სამი წლის განმავლობაში, კულტურული მემკვიდრეობის მიმართულებით დაიხარჯა. მან 53 მილიონ ლარზე მეტი შეადგინა, 34 მილიონი ლარი „ქართუ ფონდის“ კონტრიბუცია იყო. 500-ზე მეტ ძეგლს ჩაუტარდა სარეაბილიტაციო-კვლევა-საკონსერვაციო სამუშაოები“, - განაცხადა მიხეილ გიორგაძემ.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა