რუსთავის მუნიციპალურ თავშესაფარ ,,ქსენონში’’ მცხოვრებ მოხუცებსა და შშმ პირებს სამედიცინო ეტლები გადაეცათ
რუსთავის მერიისა და ქვემო ქართლში სახელმწიფო რწმუნებულ-გუბერნატორის ადმინისტრაციის ერთობლივი სოციალური აქციის ფარგლებში, რუსთავის მუნიციპალურ თავშესაფარ ,,ქსენონში’’ მცხოვრებ მოხუცებსა და ქალაქში მცხოვრებ შეზღუდული შესაძლებლობის მქონე სამ პირს სამედიცინო ეტლები გადაეცათ.
რუსთავის მერმა ირაკლი ტაბაღუამ, ქვემო ქართლის გუბერნატორის მოადგილემ, კახა კობერიძემ და ქალაქის საკრებულოს მაჟორიტარმა დეპუტატმა, გიორგი ტუხაშვილმა ბენეფიციარებს საჩუქარი პირადად მიუტანეს.
,,რუსთავის მერიისა და ქვემო ქართლის სამხარეო ადმინისტრაციის ორგანიზებით, შშმ პირთათვის მსგავს ერთობლივ სოციალურ აქციებს პერიოდულად ვმართავთ.
ჩვენ რუსთავში მცხოვრებ განსაკუთრებული საჭიროების მქონე პირებს, სპეციალური გადასაადგილებელი სამედიცინო ეტლებით ვუზრუნველყოფთ და ეს აქცია მომავალშიც გაგრძელდება“, - განაცხადა რუსთავის მერმა ირაკლი ტაბაღუამ.
