ელენე ხოშტარია - შს მინისტრის მოხსენება იყო ერთადერთი, რომელიც ეხებოდა გამოწვევებს, არ იყო პოლიტიზირებული და იყო საქმიანი

შს მინისტრის მოხსენება იყო ერთადერთი, რომელიც მართლაც ეხებოდა გამოწვევებს, არ იყო პოლიტიზირებული და იყო ძალიან საქმიანი, - ასე შეაფასა ”ევროპული საქართველოს” წევრმა ელენე ხოშტარიამ შს მინისტრობის კანდიდატის, გიორგი გახარიას გამოსვლა რამდენიმე კომიტეტის გაერთიანებულ სხდომაზე. მისი თქმით, ეს გამოსვლა იყო პოზიტიური. ამასთან, ხოშტარიამ გახარიას კითხვით მიმართა თუ რას ფიქრობს ნარკოპოლიტიკასთან დაკავშირებით.

”არ შემიძლია პოზიტიურად არ გამოვყო შს მინისტრის მოხსენება. ეს მოხსენება იყო ერთადერთი, რომელიც მართლაც ეხებოდა გამოწვევებს, არ იყო პოლიტიზირებული, იყო ძალიან საქმიანი. შს მინისტრთან მაქვს კითხვა. თქვენ ძალიან სწორად საუბრობდით ადამიანის უფლებების და პოლიციის მუნდირის დაცვაზე, ზოგადად მკაცრი პოლიტიკის შესახებ, თუმცა ერთი გამოწვევა, რომელიც თქვენ არ გიხსენებიათ ეს არის ნარკოტიკის ჩადების სერიოზული პრობლემა. თქვენ იცით, რომ რამდენიმე დღის წინ გაამართლეს რეპერები. 6 თვის განმავლობაში მოქალაქეებს დაატარებდნენ სასამართლოში, ამართლებინებდნენ თავს და ძალიან კარგია, რომ საბოლოო ჯამში, დადგა ეს განაჩენი. მე მაინტერესებს, ეს ნარკოტიკი თავისით ხო არ ახტა და ჩახტა იქ? ფაქტია, რომ პოლიციაში გვაქვს პრობლემა ამ მიმართულებით”, - მიმართა ხოშტარიამ გიორგი გახარიას.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა