ზურაბ ჭიაბერაშვილი ქუმსიშვილს - როგორც კი სავალუტო ჯიხურების ტაბლოს შეხედავ, საოცნებო საქართველო, რომელიც თქვენ დაგვიხატეთ, დაეცემა მიწაზე

როგორც კი გახვალ ქუჩაში და სავალუტო ჯიხურების ტაბლოს შეხედავ, ის საოცნებო საქართველო, რომელიც თქვენ დაგვიხატეთ, იმ წუთას დაეცემა მიწაზე, - ასე მიმართა „ევროპული საქართველოს“ წევრმა ზურაბ ჭიაბერაშვილმა ეკონომიკისა და მდგრადი განვითარების მინისტრობის კანდიდატს დიმიტრი ქუმსიშვილს.

„თქვენ ისე წარმოაჩინეთ პრეზენტაციაზე, რომ თუ ამას ჩვენი მოქალაქეები ადევნებდნენ თვალს, ალბათ, მაღაზიაში მისვლა აღარ მოუნდებათ იმიტომ, რომ როგორც კი გახვალ ქუჩაში და სავალუტო ჯიხურების ტაბლოს შეხედავ, ან მაღაზიაში, ან აფთიაქში მოგიწევს შესვლა, ის საოცნებო საქართველო, რომელიც თქვენ დაგვიხატეთ, იმ წუთას დაეცემა მიწაზე და რეალობას შევეჯახებთ. რეალობა არის შემდეგი, რომ ჩვენ გვაქვს მცირე და საშუალო ბიზნესის წილის კლება საერთო გამოშვებასა და დასაქმებაში. მაინტერესებს, საერთოდ, თქვენი პრეზენტაციის აწყობის დროს იფიქრეთ, თუ არა რაიმე პრობლემაზე რომ გელაპარაკათ, თუ რა პრობლემა აქვს ქართულ ეკონომიკას, რა პრობლემების წინაშე დგანან ჩვენი მოქალაქეები?“, - მიმართა ჭიაბერაშვილმა ქუმსიშვილს.