ირაკლი აბესაძე - თეა წულუკიანი გასაკვირ თვითკმაყოფილებას გამოთქვამს სასამართლო სისტემის მიმართ, რომელიც ხელისუფლების პოლიტიკური გავლენის ქვეშ არის
იუსტიციის მინისტრი თეა წულუკიანი გასაკვირ თვითკმაყოფილებას გამოთქვამს სასამართლო სისტემის მიმართ, რომელიც არსებითად დღეს არის ხელისუფლების პოლიტიკური გავლენის ქვეშ, - ამის შესახებ პარლამენტში, რამდენიმე კომიტეტის გაერთიანებულ სხდომაზე ”ევროპული საქართველოს” წევრმა ირაკლი აბესაძემ განაცხადა. აბესაძე დაინტერესდა რატომ არ ამოქმედდა ამ დრომდე საქმეთა ელექტრონული განაწილების წესი.
”იუსტიციის მინისტრი თეა წულუკიანი გასაკვირ თვითკმაყოფილებას გამოთქვამს სასამართლო სისტემის მიმართ, რომელიც არსებითად დღეს არის ხელისუფლების პოლიტიკური გავლენის ქვეშ. სასამართლოს მიმართ საზოგადოების ნდობა არის კრიტიკულად დაბალი. ამ ყველაფერს დაემატა ღია კორუფციული შემთხვევები სახელმწიფო ქონების გამოყენებით ნაზღაიძის შემთხვევაში, ბიზნესდავებზე ბიზნესის წარმომადგენლების განცხადებებზე, კორუფციის შესაძლო ფაქტებზე სასამართლოში და ა.შ. ამ პრობლემის მოგვარებისთვის ოდნავ გაუმჯობესების შესაძლებლობას იძლეოდა საქმეთა ელექტრონული განაწილების წესი, რომლის ამოქმედებაც გაუგებარი მიზეზების გამო გადაგაქვთ”, - მიმართა აბესაძემ წულუკიანს.
