ლევან გოგიჩაიშვილი ხათუნა გოგორიშვილს - კომპანია, რომელიც ადრე ტვირთებს გადაზიდავდა, თქვენი ერთ-ერთი მთავარი დამფინანსებლის იყო, დღეს კი სახელმწიფო კომპანიაა

კომპანია, რომელიც ადრე ტვირთებს გადაზიდავდა, თქვენი ერთ-ერთი მთავარი დამფინანსებლის იყო, დღეს კი სახელმწიფო კომპანიაა, - ასე მიმართა საპარლამენტო უმრავლესობის წევრმა ლევან გოგიჩაიშვილმა „ევროპული საქართველოს“ წევრს ხათუნა გოგორიშვილს, რომელმაც ფინანთა მინისტრობის კანდიდატს მამუკა ბახტაძეს „საქართველოს რკინიგზის“ ხელმძღვანელად ყოფნის პერიოდი გაახსენა და ტვირთებთან დაკავშირებით კითხვით მიმართა.

„რკინიგზაში ტვირთებთან დაკავშირებით ძალიან მარტივ განსხვავებას გეტყვით - ის კომპანია, რომელიც ადრე დაკავებული იყო ტვირთების გადაზიდვით და იყო კერძო ხელში, კონკრეტულად, თქვენი ერთ-ერთი მთავარი დამფინანსებლის კომპანია იყო და მისი და „ნაციონალური მოძრაობის“ წევრების ჯიბეში მიდიოდა, დღეს ეს კომპანია სახელმწიფო კომპანიაა და ეს თანხები არა კერძო პირების ჯიბეში, არამედ სახელმწიფო ბიუჯეტში მიედინება, სადაც მნიშვნელოვანი სოციალური პროექტები ფინანსდება.

თავის მხრივ, საპარლამენტო უმრავლესობის წევრი გრიგოლ მიქელაძე „საქართველოს რკინიგზის“ საკითხს გამოეხმაურა და აღნიშნა, რომ რკინიგზა თავის დროზე „ნაციონალებმა“ დააქციეს.