თურქეთის საგარეო საქმეთა მინისტრმა მევლუთ ჩავუშოღლუმ განაცხადა, რომ ანკარა, თეირანი და ბაქო მხარს დაუჭერენ გაერო-ს გენერალური ასამბლეის სესიაზე იერუსალიმის სტატუსის შესახებ რეზოლუციას.

თურქეთის საგარეო უწყების ხელმძღვანელის თქმით, მხარეები ვერ მიიღებენ ვაშინგტონის ამ გადაწყვეტილებას.

აზერბაიჯანის, თურქეთისა და ირანის საგარეო უწყებების ხელმძღვანელების შეხვედრა ბაქოში შედგა.

„ჩვენ იერუსალიმის ირგვლივ სიტუაცია და აშშ-ს გადაწყვეტილება განვიხილეთ. აზერბაიჯანს, თურქეთს და ირანს არ შეუძლიათ ვაშინგტონის ამ გადაწყვეტილების მიღება. ხვალ გაერო-ს გენერალურ ასამბლეაზე გამოტანილი იქნება რეზოლუცია. ჩვენ შევთანხმდით, რომ მხარს დავუჭერთ მას“, - განაცხადა მევლუთ ჩავუშოღლუმ.

მისი თქმით, „ვაშინგტონის გადაწყვეტილება იერუსალიმის შესახებ მიუღებელი და არასამართლიანია“.

„ანკარა დაიცავს პალესტინელების უფლებებს“, - დასძინა მან.