ბრალდების მხარე გიორგი როსტომაშვილისა და ნიკოლოზ მჭედლიანის საქმეზე საქალაქო სასამართლოს გამამართლებელ გადაწყვეტილებას სააპელაციო წესით გაასაჩივრებს

ბრალდების მხარე გიორგი როსტომაშვილისა და ნიკოლოზ მჭედლიანის საქმეზე საქალაქო სასამართლოს მიერ გამამართლებელი განაჩენის გადაწყვეტილებას სააპელაციო წესით გაასაჩივრებს.

როგორც პროკურორმა ლევან კოპალიანმა ჟურნალისტებს განუცხადა, პროკურატურა მიიჩნევს, რომ საქმეში არსებული მტკიცებულებებით, ორივე პირის, როსტომაშვილისა და მჭედლიანის ბრალეულობა დასტურდებოდა. მისივე თქმით, ბრალდების მხარე საქალაქო საასმართლოს მიერ მიღებულ გადაწყვეტილებას არ ეთანხმება.

”ბრალდების მხარემ მოისმინა სასამართლოს გადაწყვეტილება, რომ ბრალდებულების მიმართ დადგა გამამართლებელი განაჩენი. ბრალდების მხარე ამ გადაწყვეტილებას არ ეთანხმება. მიაჩნია, რომ საქმეში წარდგენილი მტკიცებულებებით დადასტურებული იყო კონკრეტული პირების ბრალეულობა. საქალაქო სასამართლოს ამ გადაწყვეტილებას ბრალდების მხარე სააპელაციო სასამართლოში გაასაჩივრებს”, - განაცხადა ლევან კოპალიანმა.

ბრალდებულები გიორგი როსტომაშვილი და ნიკოლოზ მჭედლიანი დღეს სასამართლო დარბაზიდანვე გათავისუფლდნენ. შეგახსენებთ, რომ გიორგი როსტომაშვილს და ნიკოლოზ მჭედლიანს ბრალი ქურდობასა და ყაჩაღობაში, ასევე ცეცხლსასროლი იარაღის მართლსაწინააღმდეგო ტარებაში ედებოდათ.

მიმდინარე წლის მარტის თვეში, თბილისში დაფიქსირდა ყაჩაღობის ფაქტი. ბიზნესმენ ლევან შანშიაშვილს იარაღის მუქარით ავტომანქანა და ძვირადღირებული ნივთები მოსტაცეს. აღნიშნულ დანაშაულში ბრალდებულები სწორედ მჭედლიანი და როსტომაშვილი იყვნენ.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს