შინაგან საქმეთა სამინისტრო დანაშაულის სტატისტიკის გამოქვეყნებას აღადგენს. შესაბამისი ვალდებულება საკუთარ თავზე შს მინისტრობის კანდიდატმა გიორგი გახარიამ პარლამენტში, რამდენიმე კომიტეტის გაერთიანებულ სხდომაზე მიიღო. მისივე შეფასებით, მონაცემების გამოქვეყნების შეწყვეტა არის ჩავარდნა უწყების მუშაობაში.
”სტატისტიკური მონაცემების ნაწილში, ეს არის ჩავარდნა. ვიღებ ჩემს თავზე ვალდებულებას და გპირდებით, რომ ჩაშლილი სტატისტიკური მონაცემები როგორც ყოველთვიურად, ისე კვარტალურად იქნება გამოქვეყნებული”, - განაცხადა გახარიამ.