სენაკში სატვირთო მანქანის გზის სავალი ნაწილიდან გადავარდნის შედეგად სატვირთოს მძღოლი დაიღუპა

სენაკში სატვირთო მანქანა გზის სავალი ნაწილიდან გადავარდა, რასაც მძღოლის სიცოცხლე ემსხვერპლა. არსებული ინფორმაციით, სატვირთო ღორღით იყო დატვირთული.

მომხდარი „ინტერპრესნიუსს“ საქართველოს შინაგან საქმეთა სამინისტროში დაუდასტურეს. უწყების ცნობით, მომხდარზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.