კახა კალაძე ზემო ფონიჭალაში მოსახლეობისთვის ფართების დაკანონების პროცესს დაესწრო

ძალიან ბევრია ასეთი ოჯახები, რომლებიც წლების განმავლობაში ცხოვრობენ კონკრეტულ საცხოვრებელ ფართებში და დღესაც ვერ ახერხებენ ფართის დაკანონებას, - ამის შესახებ თბილისის მერმა კახა კალაძემ ჟურნალისტებს განუცხადა.

კალაძე დღეს ზემო ფონიჭალაში მოსახლეობისთვის ფართების დაკანონების პროცესს გაეცნო.

„ახლა ჩვენ ვიმყოფებით ფონიჭალაში, სადაც კონკრეტულ ოჯახებს, დაახლოებით 30 ოჯახს გადაეცა ბინები საკუთრებაში, სიმბოლურ ფასად 1 ლარად.

სამწუხაროდ, უნდა ვთქვა, რომ ძალიან ბევრია ასეთი ოჯახები, ვინც წლების განმავლობაში ცხოვრობს კონკრეტულ საცხოვრებელ ფართებში, შვილები, შვილიშვილები, თაობები გამოზარდეს და დღესაც ვერ ახერხებენ, გარკვეული, გაურკვეველი მიზეზების გამო დაკანონებას. ჩვენ დავიწყეთ ამ პრობლემის მოგვარება. ძალიან ბევრ ოჯახს მიეცა შესაძლებლობა ფართების დაკანონების. დღეს კონკრეტულად ამ ადამიანებს ხედავთ, რამხელა სიხარულია. უკვე მთავრობაზე იქნა გამოტანილი, საკრებულომ მიიღო გადაწყვეტილება და ექნებათ შესაძლებლობა დაირეგისტრირონ ფართი. მინდა მივულოცო ამ ადამიანებს დღევანდელი დღე, მინდა მივულოცო დამდეგი შობა-ახალი წელი და ვუსურვო ჯანმრთელობა, ბედნიერება, წარმატება, წინსვლა და ყოველივე საუკეთესო“, - განაცხადა კახა კალაძემ.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა