განათლების, მეცნიერებისა და კულტურის, სპორტისა და ახალგაზრდობის საქმეთა და ჯანდაცვის კომიტეტებმა სამთავრობო პროგრამას მხარი დაუჭირეს

განათლების, მეცნიერებისა და კულტურის, სპორტისა და ახალგაზრდობის საქმეთა და ჯანმრთელობის დაცვისა და სოციალურ საკითხთა კომიტეტებმა, მინისტრთა კაბინეტის განახლებულ შემადგენლობას და სამთავრობო პროგრამას მხარი დაუჭირა. კომიტეტებმა მინისტრობის კანდიდატებს მხარი ფარული კენჭისყრის შედეგად დაუჭირეს. მანამდე კი, კანდიდატებს ამავე კომიტეტების გაერთიანებულ სხდომაზე უსმენდნენ, სადაც განათლებისა და მეცნიერების, ჯანდაცვისა და კულტურისა და სპორტის მინისტრობის კანდიდატებმა სამთავრობო პროგრამა წარადგინეს და დეპუტატების კითხვებს უპასუხეს.