დიმიტრი ქუმსიშვილმა პარლამენტს მიწის რეფორმის შედეგები გააცნო

ეკონომიკისა და მდგრადი განვითარების მინისტრობის კანდიდატმა დიმიტრი ქუმსიშვილმა პარლამენტში მიწის რეფორმის მიმდინარეობის და დღეს არსებული შედეგების შესახებ ისაუბრა.

როგორც მან განაცხადა, სახელმწიფო ქონების ინვენტარიზაციის პროგრამა 2 წლის წინ დაიწყო და უკვე ძალიან მნიშვნელოვანი შედეგებია.

ქუმსიშვილის ინფორმაციით, აღწერილია 659 000 ჰექტარი დაურეგისტრირებელი არასასოფლო-სამეურნეო დანიშნულების მიწა, საიდანაც უკვე დარეგისტრირდა 51 000 ჰა მიწა.

„იმისთვის, რომ მიწის რეგისტრაციის რეფორმის მიმდინარეობისას კერძო სექტორი არ აღმოჩენილიყო დისკრიმინაციულ მდგომარეობაში, იუსტიციის სამინისტროსთან ერთად შევიმუშავეთ მიწის რეფორმის მეორე, პარალელური ეტაპი - იუსტიციის სამინისტრო ახორციელებს მიწის სარეგისტრაციოდ საბუთების მომზადებას მოქალაქეებისთვის, ეკონომიკის სამინისტრომ კი რეგიონებში აზომვითი ნახაზების სამუშაოები დაიწყო“, - განაცხადა დიმიტრი ქუმსიშვილმა.

მისივე ინფორმაციით, რეფორმას ძალიან კარგი შედეგები აქვს - 335 629 მოქალაქემ მიწაზე საკუთრების უფლება წარმატებით, დაბრკოლებების გარეშე დაირეგისტრირა.

სახელმწიფო ქონების ეროვნულმა სააგენტომ 191 325 აგეგმვითი/აზომვითი ნახაზის საფასური აანაზღაურა, რომლის ღირებულებამ შეადგინა 15 218 533 ლარი (რეფორმის ფარგლებში რეგისტრირებული მიწის ნაკვეთების აზომვითი ნახაზის საფასურის 57 % არის ანაზღაურებული, ხოლო მიწის საერთო მოცულობა შეადგენს 42 000 ჰა-ს).

ქუმსიშვილის განცხადებით, ეს მიმართულება აუცილებლად გაგრძელდება, რადგან უმნიშვნელოვანესია, სახელმწიფომ და ადგილობრივმა თვითმმართველობამ იცოდეს, რეალურად რას ფლობს, ასევე ეს იცოდეს კერძო სექტორმაც.

„ეს არის პროდუქტიულობის ზრდა და ჩვენი ქვეყნის ეკონომიკაში შექმნილი კაპიტალი, რომელიც შემდგომ გლეხმა უნდა გამოიყენოს იმისთვის, რომ დამატებითი ღირებულება შექმნას“, - აღნიშნა დიმიტრი ქუმსიშვილმა.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო