სასამართლომ ზუგდიდის დადიანების სასახლეთა ისტორიულ–არქიტექტურული მუზეუმიდან გათავისუფლებული თანამშრომლის სარჩელი დააკმაყოფილა

ქუთაისის სააპელაციო სასამართლომ ზუგდიდის დადიანების სასახლეთა ისტორიულ–არქიტექტურული მუზეუმიდან გათავისუფლებული თანამშრომლის ელზა ზოდელავას სარჩელი დააკმაყოფილა. მისი ინტერესების დაცველის, „საერთაშორისო გამჭვირვალობა - საქართველოს“ იურისტის ლელა მოწონელიძის თქმით, მოსარჩელე მხარის მოთხოვნა ზოდელავას გათავისუფლების ბრძანების ბათილად ცნობის, სამსახურში აღდგენისა და განაცდურის ანაზღაურების შესახებ დააკმაყოფილდა. რაც შეეხება ელზა ზოდელავას, ის სამსახურში დაბრუნებას აპირებს.

„მე მინდოდა, რომ სიმართლეს ეზეიმა, ასეც მოხდა. მუზეუმის დირექტორმა პირადი ინტერესით გამათავისუფლა. დეტალები მას შემდეგ გვეცოდინება, რაც დასაბუთებული გადაწყვეტილება ჩაგვბარდება“, - განაცხადა ზოდელავამ.

დადიანების სასახლეთა ისტორიულ–არქიტექტურული მუზეუმიდან გათავისუფლებული თანამშრომლის სარჩელი ზუგდიდის რაიონულმა მიმდინარე წლის ივნისში არ დააკმაყოფილა, რის შემდეგაც აღნიშნული გადაწყვეტილება ზოდელავამ ქუთაისის სააპელაციო სასამართლოში გაასაჩივრა. ზოდელავა მუზეუმის რუსულ, პოლონურ და ქართულენოვან გიდად 6 წელი მუშაობდა.

ისტორიულ–არქიტექტურული მუზეუმიის დირექტორის, ლილი ბერაიას განცხადებით, ქუთაისის სააპელაციო სასამართლოს მიერ მუზეუმიდან გათავისუფლებული თანამშრომლის ელზა ზოდელავას სარჩელის სრულად დააკმაყოფილების შესახებ არაფერი იცოდა. მისი თქმით, თუ სასამართლო მის სარჩელს დააკმაყოფილებს, ის უზენაეს სასამართლოში გაასაჩივრებს.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!