სემეკში წარდგენილი კანდიდატის გოჩა შონიას შეფასებით, ძირითადი გამოწვევა ის ახალი რეგულაციები და რეფორმებია, რომელიც ენერგეტიკის სექტორში იწყება

სემეკში ვაკანტურ თანამდებობაზე წარდგენილი კანდიდატის გოჩა შონიას შეფასებით, ძირითადი გამოწვევა ის ახალი რეგულაციები და რეფორმებია, რომელიც ენერგეტიკის სექტორში ახლა იწყება.

“ასოცირების ხელშეკრულებით და ენერგეტიკულ თანამეგობრობაზე მიერთების ოქმით ავიღეთ სწორედ ამ ბაზრის რეფორმირების ვალდებულება. ეს არის ყველაზე დიდი გამოწვევა ჩვენი ქვეყნისთვის, რადგან ეს არის ძალიან რთული, ძალიან მნიშვნელოვანი ეტაპი ენერგეტიკის განვითარებისათვის“, - განუცხადა ჟურნალისტებს გოჩა შონიამ.

პარლამენტის დარგობრივი ეკონომიკისა და ეკონომიკური პოლიტიკის კომიტეტის სხდომაზე, სემეკში ორ ვაკანტურ თანამდებობაზე წარდგენილ გოჩა შონიასა და დავით ნარმანიას კანდიდატურებს ერთსულოვნად დაუჭირეს მხარი.

ენერგეტიკისა და წყალმომარაგების მარეგულირებელი კომისიის წევრებს პარლამენტი დაამტკიცებს.

ვალერი სოლოვეი - კრემლის ქმედებების მოაზროვნე გამმამართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება