საქართველოს ყოფილი პრეზიდენტი მიხეილ სააკაშვილი მზად არის დაკითხვაზე მივიდეს და უფლებამოსილ ორგანოებს ჩვენება მისცეს, თუმცა გენერალურ პროკურატურას უწყება ჯერ არ გაუგზავნია.
ამის შესახებ მიხეილ სააკაშვილის ადვოკატმა რუსლან ჩერნოლუცკიმ განაცხადა.
„დღევანდელი დღის მდგომარეობით, მიხეილ სააკაშვილის საცხოვრებელი სახლის მისამართზე არანაირი უწყება არ მოსულა. შესაბამისად, პროკურატურისგან და უკრაინის უსაფრთხოების სამსახურისგან არანაირი უწყება არ მიგვიღია“, - განაცხადა ადვოკატმა.
რუსლან ჩერნოლუცკიმ განაცხადა, რომ გამოძახების შემთხვევაში, მიხეილ სააკაშვილი დაკითხვაზე გამოცხადდება.
„ჩვენ არ ვარღვევთ პროცესუალურ კანონმდებლობას. თუმცა, პროკურატურას არ აქვს საფუძველი საგამოძიებო ქმედებები განახორციელოს“, - დასძინა მან.