საბაჟო გამშვებ პუნქტში „ნინოწმინდა“ ფინანსთა სამინისტროს შემოსავლების სამსახურის მებაჟე ოფიცრებმა 1600 ღერი არადეკლარირებული სიგარეტი გარნი (GARNI) აღმოაჩინეს.
ამის შესახებ „ინტერპრესნიუსს“ ფინანსთა სამინისტროს შემოსავლების სამსახურიდან აცნობეს. მათივე ცნობით, ტვირთი სომხეთიდან შემომავალი საქართველოს მოქალაქის, ვ.მ-ს კუთვნილ ავტომობილში, მძღოლის სავარძლის ქვეშ იყო დამალული.
უწყების განმარტებით, საგადასახადო კოდექსის 289-ე მუხლის მე-14 ნაწილის თანახმად, სამართალდამრღვევ მოქალაქეს სანქციის სახით შეეფარდა ჯარიმა 1000 ლარის ოდენობით, ასევე საქონლისა და სატრანსპორტო საშუალების ჩამორთმევა.