სტალინის ძეგლის დადგმის მოთხოვნით ხვალ გორში აქცია გაიმართება. ორგანიზაცია ,,სტალინელის“ ერთ–ერთი წევრის ზურაბ ზუმბულიძის განცხადებით, ,,ერთიანი კომუნისტური პარტიის“, ორგანიზაცია ,,სტალინელის“ წევრები და ხელმძღვანელები საქართველოს სხვადასხვა რეგიონებიდან 21 დეკემბერს, 11 საათიდან გორში შეიკრიბებიან.

ზუმბულიძის ინფორმაციით, იოსებ ჯუღაშვილის დაბადებიდან 139–ე წლისთავზე რუსეთის ფედერაციიდანაც იგეგმება სტალინის მიმდევრების სტუმრობა.