24 დეკემბერს ანაკლიის ღრმაწყლოვანი პორტის მშენებლობის დაწყებასთან დაკავშირებული ღონისძიება გაიმართება

24 დეკემბერს, ანაკლიის ღრმაწყლოვანი პორტის მშენებლობის დაწყებასთან დაკავშირებული ღონისძიება გაიმართება. ანაკლიის განვითარების კონსორციუმის ინფორმაციით, სამუშაოების დაწყებისადმი მიძღვნილ ღონისძიებას პრემიერ-მინისტრი გიორგი კვირიკაშვილი დაესწრება.

„პირველ ეტაპზე, „ანაკლიის განვითარების კონსორციუმისა“ და პარტნიორი კომპანიების წარმომადგენლები პორტის ტერიტორიაზე იმუშავებენ მიწის ზედაპირის დამუშავებაზე, სადრენაჟო არხის გამართვასა და სამშენებლო ტერიტორიიდან ნარჩენების გატანაზე“, - აღნიშნეს კონსორციუმში.

ანაკლიის პორტის სამშენებლო სამუშაოების დასაწყებად ეკონომიკისა და მდგრადი განვითარებისა და გარემოსა და ბუნებრივი რესურსების დაცვის სამინისტრომ შესაბამისი ნებართვები მიმდინარე წელს გასცეს.

ანაკლიის ნავსადგურის მშენებლობა ცხრა ფაზად წარიმართება და ის წელიწადში 100 მილიონ ტონა ტვირთს გაატარებს. პროექტის განხორციელება 2016 წელს დაიწყო და ის ანაკლიის მიმდებარედ, 340 ჰექტარ ფართობის ტერიტორიაზე აშენდება. პორტის მშენებლობისა და განვითარების ღირებულება 2.5 მილიარდ აშშ დოლარს შეადგენს.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს