ბატონო გიორგი, უხერხულია როგორ ეხებით მანდატურებს მას შემდეგ, რაც სკოლაში ბავშვებმა ერთმანეთი დახოცეს იმიტომ, რომ თქვენ ხართ უუნარო, – ასე მიმართა „ნაციონალური მოძრაობის“ წევრმა ნიკა მელიამ, პრემიერ–მინისტრობის კანდიდატ გიორგი კვირიკაშვილს საპარლამენტო მოსმენის დროს. ნიკა მელიას თქმით, სამარცხვინოა, როდესაც პრემიერ–მინისტრობის კანდიდატი ნდობის გამოცხადებისთვის კანონმდებლებთან მიდის, რეალურად კი უკვე არჩეულია მისი შემცვლელი. მან პრემიერ–მინისტრობის კანდიდატს სამარცხვინო უწოდა. მელიას აღნიშნული განცხადების გამო, პოლიტიკოსები ერთმანეთს სიტყვიერად დაუპირისპირდნენ.

„ბატონო გიორგი, უხერხულია, როგორ ეხებით მანდატურებს მას შემდეგ, რაც სკოლაში ბავშვებმა ერთმანეთი დახოცეს იმიტომ, რომ თქვენ ხართ უუნარო. არც პროფესიონალი ხართ, არც კვალიფიკაცია გაქვთ.. ქვეყანა რა მდგომარეობაში ჩააგდეთ და კიდევ ბედავთ და ხმას იღებთ. მოხვედით აქ, პარლამენტარებისგან ნდობის მიღებას ითხოვთ და იმის კი არ გრცხვენიათ, რომ სხვა ადამიანი ივანიშვილს შერჩეული ყავს თქვენს შემცვლელად. ვითომ პრემიერ–მინისტრი ხართ, არც არაფერს გეკითხებოდნენ და არც შეგეკითხებიან“, – განაცხადა ნიკა მელიამ.