საკანონმდებლო ორგანოში, მთავრობის წევრობის კანდიდატთა მოსმენა გაგრძელდა. პრემიერ–მინისტრობისა და მინისტრობის კანდიდატებს ფრაქცია „პატრიოტების“ წარმომადგენლები უსმენენ.

ამას წინ უძღოდა ფრაქცია „ნაციონალური მოძრაობის“ სხდომა, რომელიც მწვავე სიტყვიერი დაპირისპირებით დასრულდა. პრემიერ-მინისტრმა და მთავრობის წევრებმა ის დარბაზი დატოვეს, სადაც მათი მოსმენა მიმდინარეობდა.

პრემიერ-მინისტრობის კანდიდატმა გიორგი კვირიკაშვილმა „ნაციონალური მოძრაობის“ ერთ-ერთ ლიდერ ნიკა მელიას უცენზურო და შეურაცხმყოფელი სიტყვებით მიმართა.