გიორგი კახიანი - „ნაციონალურმა მოძრაობამ“ დეგრადირებული სახე გამოაჩინა

დღეს „ნაციონალურმა მოძრაობამ“ დეგრადირებული სახე გამოაჩინა, - აღნიშნული განცხადებით პარლამენტის საპროცედურო საკითხთა და წესების კომიტეტის თავმჯდომარე გიორგი კახიანი ფრაქცია „ნაციონალური მოძრაობის“ სხდომაზე მომხდარ ინციდენტს გამოეხმაურა.

როგორც დეპუტატმა ჟურნალისტებთან საუბრისას განაცხადა, პარლამენტის რეგლამენტის თანახმად, მთავრობისთვის ნდობის გამოცხადების საკითხი მხოლოდ ფრაქციასთან უნდა იყოს განხილული. კახიანის თქმით, იმის მიუხედავად, რომ მთავრობასთან შეხვედრაში ფრაქციის მხოლოდ სამი წევრი მონაწილეობდა და ყველა დანარჩენი პარტიის აქტივისტები იყვნენ, პრემიერს და მინისტრებს მათი შეკითხევებისთვის პასუხის გაცემის მზაობა გააჩნდათ.

„დღევანდელ დღეს „ნაციონალური მოძრაობის“ სამარცხვინო სახე გამოჩნდა. შეხვედრა უნდა ყოფილიყო მთავრობის განახლებულ შემადგენლობასა და ფრაქცია „ნაციონალური მოძრაობის“ წევრებს შორის. ფრაქციის მხრიდან მხოლოდ სამი დეპუტატი იყო წარმოდგენილი. შეხვედრაზე ძირითადად პარტიული აქტივი ვიხილეთ. პარლამენტის რეგლამენტი ნამდვილად არ ითვალისწინებს მთავრობის შემადგენლობის დამტკიცების დროს პარტიული აქტივის მოწვევას და შეხვედრის ასეთი ფორმატით წარმართვას. მაგრამ ჩვენ მზად ვიყავით, რომ შეხვედრა ასეთ ფორმატში გამართულიყო. იყო მზადყოფნა იმისა, რომ კითხვებს გასცემოდა პასუხი. მაგრამ „ნაციონალური მოძრაობის“ წარმომადგენლებს სურდათ არა კითხვებზე პასუხის მოსმენა, არამედ შოუს დადგმა. ჩვენ შეურაცხმყოფელი გამოსვლები ვიხილეთ, რაც ადამიანის ღირსებას ეხება. ეს ყოვლად წარმოუდგენელია პარლამენტის შენობაში და ასევე ზოგადად“, - განუცხადა ჟურნალისტებს გიორგი კახიანმა.

ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
ქართული პრესის მიმოხილვა 19.02.2020
ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
რა შესაძლებლობებს აძლევს განათლების საერთაშორისო ცენტრი საზღვარგარეთ სწავლის მსურველ საქართველოს მოქალაქეებს - ინტერვიუ ნინო ჭელიძესთან
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ