თბილისში ნაძვის ხეების ფესტივალი ჩატარდება. ამის შესახებ „ინტერპრესნიუსს“„მეიდან ჯგუფიდან“ აცნობეს. მათივე ინფორმაციით, ფესტივალი ტრადიციულ სახეს ატარებს და უკვე მეშვიდე წელია ძველ თბილისში ტარდება.

ფესტივალში მონაწილეობას დაახლოებით 50-მდე კომპანია და მცირე მეწარმე იღებს. ორგანიზატორების ცნობით, წარმოდგენილი იქნება სხვადასხვა სახის ორიგინალური ნაძვის ხეები, საახალწლო აქსესუარები, ტკბილეული, პატარებისთვის იმოძრავებენ დისნეის გმირები, მოეწყობა საფოტოსესიო სივრცე, გაიმართება საახალწლო თემატიკის წიგნების ბაზრობა.

ფესტივალზე ასევე წარმოდგენილი იქნება სოციალურად დაუცველი ბავშვების მიერ დამზადებული ხელნაკეთი ნივთები, რომელიც გაიყიდება ადგილზე.

ღონისძიებას კვირას დაასრულებს „კოკა კოლას“ ქარავანი, რომელიც გაჩერდება ფესტივალზე და მოაწყობს შოუს მოსული სტუმრებისთვის. საღამო გრანდიოზული ფოიერვერკით დასრულდება.