ნიკა მელია - კვირიკაშვილმა საზოგადოებას ბოდიში იმის გამო კი არ უნდა მოუხადოს, რაც მან იკადრა, არამედ იმაზე, თუ რა დღე დაატეხა ქვეყანას მისმა გუნდმა და უშუალოდ მან

„ნაციონალური მოძრაობის“ ერთ-ერთი ლიდრი ნიკა მელია პრემიერ-მინისტრობის კანდიდატს, გიორგი კვირიკაშვილს პასუხობს.

როგორც მელიამ „პალიტრანიუსის“ გადაცემაში „360 გრადუსი“ განაცხადა, კვირიკაშვილი არა მის სიტყვებზე, არამედ იმაზე გაღიზიანდა, რომ მას ოპოზიციის მიერ დასმულ მწვავე კითხვებზე პასუხი არ ჰქონდა. მელიას განცხადებით, კვირიკაშვილმა საზოგადოებას ბოდიში არა პარლამენტში მომხდარი ინციდენტის გამო, არამედ იმ რთული ვითარების გამო უნდა მოუხადოს, რომელიც ქვეყანაშია შექმნილი.

„ბატონმა კვირიკაშვილმა საზოგადოებას ბოდიში იმის გამო კი არ უნდა მოუხადოს, რაც მან იკადრა, არამედ იმაზე, თუ რა დღე დაატეხა ქვეყანას, უკანასკნელი წლების განმავლობაში მისმა გუნდმა და ბოლო ორი წლის განმავლობაში უშუალოდ მან, როგორც პრემიერ–მინისტრმა.

ადამიანი არ პასუხობდა კონკრეტულ კითხვებს, რომელიც მაინტერესებს არა როგორც ნიკა მელიას, არამედ კითხვები, რომლიც არის ამ ქვეყანაში მცხოვრები ყველა მოქალაქის სატკივარი. ეკონომიკა, მძიმე სოციალური მდგომარეობა, ის, რომ კვირიკაშვილის მთავრობა სამოქალქო მშვიდობას ვერ უზრუნველყოფს და ყოველდღე მძიმე კრიმინალური ფაქტი ფიქსირდება. მან ამაზე უნდა მოიხადოს ბოდიში“, – განაცხადა ნიკა მელიამ.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს