საშუალო განათლების მნიშვნელოვანი რეფორმა გვინდა განვახორციელოთ, - ამის შესახებ საქართველოს პრემიერ-მინისტრმა გიორგი კვირიკაშვილმა საპარლამენტო უმრავლესობის სხდომაზე განაცხადა.

მისივე თქმით, ეს განსაკუთრებით ეხება მასწავლებლების მომზადების ხარისხს.

„რა თქმა უნდა, რეგიონული სკოლები იქნება უმთავრესი მიზანი ჩვენთვის, ობიექტი, რათა რეგიონულ სკოლებში მოვახდინოთ ხარისხობრივი ცვლილება საშუალო განათლებაში. ეს ძალიან მნიშვნელოვანია. ამასთან, ვერ ავუვლით გვერდს მოზარდებში ძალადობის ფაქტებს. აქ განათლების და მეცნიერების, ასევე, სამართალდამცავი უწყებების, შინაგან საქმეთა სამინისტროს, არა მხოლოდ სხვა უწყებების და მთლიანად სხვა უწყებების ჩართულობაა საჭირო, რომ ეს აგრესია რამენაირად დავაცხროთ და ახალგაზრდებს ჰქონდეთ მომავლის იმედი. ჩავრთოთ ისინი ჯანსაღი ცხოვრების წესის ფერხულში, იყოს სპორტის პოპულარიზაცია და ჯანსაღი ცხოვრების წესის პოპულარიზაცია. აქ ჩვენ ჩვენი პირადი მაგალითიც უნდა ვაჩვენოთ ახალგაზრდებს. არა მხოლოდ ჯანსაღი ცხოვრების წესის მიმართულებით, მთლიანად საზოგადოებაში აგრესიის კლების მიმართულებით“, - განაცხადა გიორგი კვირიკაშვილმა.