პროფკავშირების გაერთიანება დღეს, საზოგადოების წინაშე წლიური საქმიანობის შემაჯამებელი ანგარიშით წარდგება.
როგორც „ინტერპრესნიუსს“ საქართველოს პროფესიული კავშირების გაერთიანებიდან აცნობეს, 2017 წელს მიღწეული წარმატებების, განხორციელებული პროექტების, გამოწვევებისა და არსებული პრობლემების შესახებ პრეზენტაციას ირაკლი პეტრიაშვილი წარმოადგენს.
საუბარი შეეხება 2018 წლის პრიორიტეტებს, მათ შორის ქმედითი შრომის ინსპექციის შექმნის საკითხს, საპენსიო რეფორმას, შრომის კოდექსს, ქალთა უფლებებს, მინიმალური ხელფასის განსაზღვრას და ა.შ
ღონისძიებაში მონაწილეობას მიიღებენ საქართველოს პროფკავშირების, არასამთავრობო სექტორის, დიპლომატიური კორპუსის წარმომადგენლები, ექსპერტები და უფლებადამცველი ორგანიზაციები.