თურქეთის ქალაქებში, სტამბოლში და იზმირში კონტრტერორისტული ოპერაციის ფარგლებში „ისლამურ სახელმწიფოსთან“ კავშირების გამო 55 ადამიანი დააკავეს.
ამის შესახებ თურქული საინფორმაციო სააგენტო „ანადოლუ“ იუწყება.
თურქმა ძალოვნებმა ერთდროულად 12 მისამართზე ჩაატარეს ოპერაცია. დაკავებულებიდან 45 პირი უცხო ქვეყნის მოქალაქეა. არსებული ინფორმაციით, ისინი ტერაქტის განხორციელებას გეგმავდნენ.
სპეცოპერაციის ფარგლებში ამოღებულია დოკუმენტები და ციფრული ინსტრუმენტები.