პრემიერი ბოლომდე ცდილობდა, რომ ძალიან კონსტრუქციულად გაეცა პასუხი ყველა კითხვაზე, მაგრამ როგორც ჩანს, ეს პასუხი არავის აინტერესებდა, - ამის შესახებ კულტურის და ძეგლთა დაცვის მინისტრმა მიხეილ გიორგაძემ განაცხადა.
გიორგაძე გამოეხმაურა საქართველოს პრემიერ-მინისტრის, გიორგი კვირიკაშვილისა და ”ნაციონალური მოძრაობის” წევრის, ნიკა მელიას დაპირისპირებას.
”მე ვფიქრობ, რომ ყველაფერი ძალიან ნათელი იყო. პრემიერი ბოლომდე ცდილობდა, რომ ძალიან კონსტრუქციულად გაეცა პასუხი ყველა კითხვაზე, მაგრამ როგორც ჩანს, ეს პასუხი არავის აინტერესებდა სინამდვილეში. იყო უაღრესად აგრესიული და პროვოკაციული ქმედება და რიტორიკა. რაც მოხდა იმაზე პრემიერმა გააკეთა შესაბამისი განცხადება. რა თქმა უნდა, კარგი არ იყო რაც მოხდა, მაგრამ ძალიან სამწუხაროა, რომ სინამდვილეში პასუხი არავის აინტერესებს. ეს ყველაფერი იმისთვის გაკეთდა, რომ ასეთი რამ მომხდარიყო”, - განაცხადა მიხეილ გიორგაძემ.