სოზარ სუბარი - პარლამენტში არ არის ძველი ბიჭებისა და კრიმინალური მენტალიტეტის მქონე ადამიანების ადგილი - ასეთები არიან მელია და მისი თანაგუნდელები

ადამიანები, რომლებსაც არ გააჩნიათ ღირსება, უღირსად იქცევიან ყველგან, - ასე გამოეხმაურა პრემიერსა და „ნაციონალური მოძრაობის“ წევრ ნიკა მელიას შორის მომხდარ დაპირისპირებას დევნილთა მინისტრი სოზარ სუბარი.

მისივე თქმით, პარლამენტში არ არის ადგილი ძველი ბიჭების, მოხულიგნო ელემენტებისა და კრიმინალური მენტალიტეტის მქონე ადამიანების.

„დღეს მთავრობის შემადგენლობა, რა თქმა უნდა, იქნება მხარდაჭერილი. მთავრობა და საპარლამენტო უმრავლესობა არის ერთი გუნდი და ასე იქნება ყოველთვის იმიტომ, რომ საპარლამენტო რესპუბლიკა ავტომატურად გულისხმობს ამას. რაც შეეხება ოპოზიციას, დიდი ნაწილისთვის მთავარი თემა წლების განმავლობაში იყო ადამიანის უფლებების დარღვევა, ღირსების შელახვა და ასე აგრძელებს ცხოვრებას დღესაც. გული სტკივათ და სული აწუხებთ იმის გამო, რომ დღეს ის შესაძლებლობები არ აქვთ, რაც ადრე ჰქონდათ და რასაც აკეთებდნენ ციხეებში თუ სხვაგან. ადამიანები, რომლებსაც არ გააჩნიათ ღირსება, უღირსად იქცევიან ყველგან, ყოველთვის, ყველასთან. პარლამენტში არ არის ადგილი ძველი ბიჭების, მოხულიგნო ელემენტებისა და კრიმინალური მენტალიტეტის მქონე ადამიანების. ესენი არიან მელია და მისი თანაგუნდელები“, - განაცხადა სოზარ სუბარმა.

ალექსეი მალაშენკო - სირიაში ყველაფერი ისევ ისე იქნება, როგორც აქამდე იყო,  ბაშარ ასადის შესანარჩუნებლად მოსკოვს ანკარასთან და თეირანთან კომპრომისებზე წასვლა უწევს
ქართული პრესის მიმოხილვა 19.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
საქართველოს საგარეო პოლიტიკა - ნაბიჯები მომავლისკენ
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში