საქართველოს საგარეო საქმეთა მინისტრობის კანდიდატის, მიხეილ ჯანელიძის განცხადებით, პრემიერ-მინისტრობის კანდიდატმა გიორგი კვირიკაშვილმა ამბიციური და ქვეყნის განვითარებაზე გათვლილი პროგრამა წარადგინა.
„გიორგი კვირიკაშვილმა ქვეყნის განვითარების ძალიან ამბიციური პროგრამა წარმოადგინა. ჩვენ მივაღწიეთ ძალიან დიდ წარმატებას, როგორც ეკონომიკური განვითარების, ასევე ქვეყნის შიგნით დემოკრატიის, ასევე საგარეო პოლიტიკის მიმართულებით.
მნიშვნელოვანია, რომ ახალი ინიციატივებიც იქნა გაჟღერებული ევროინტეგრაციის პროცესთან დაკავშირებით. მოგეხსენებათ, გაცხადდა მზაობა შემუშავებულ იქნას საგზაო რუკა, რომელიც ჩვენ კიდევ უფრო დაგვაახლოებს საბოლოო მიზანთან - ევროპული ოჯახის სრულფასოვან წევრობასთან“, - განაცხადა მიხეილ ჯანელიძემ.