გორში სტალინის დაბადებიდან 138 წლისთავთან დაკავშირებით, აქცია-მიტინგი მიმდინარეობს

გორში სტალინის დაბადებიდან 138 წლისთავს აღნიშნავენ. ”ერთიანი კომუნისტური პარტიის” წარმომადგენლები და ორგანიზაცია “სტალინელის“ წევრები იოსებ ჯუღაშვილის სახლ-მუზეუმთან დილიდან შეიკრიბნენ.

გორში დედაქალაქიდან და საქართველოს სხვადასხვა რეგიონიდან ჩამოსული ასამდე ადამიანია შეკრებილი.

მთავარი მოთხოვნა ამჯერადაც გორში სტალინის ძეგლის დადგმა და რუსეთთან კეთილმეზობლური ურთიერთობის აღდგენაა.

დღევანდელ აქცია-მიტინგზე კვლავ გამოჩნდა საბჭოთა სიმბოლიკაც. მომიტინგეებს წითელი დროშები უკავიათ ხელში, რომელზეც გამოსახულია ნამგალი და ურო. ასევე დღევანდელ მიტინგზე არიან მოზარდებიც წითელი ყელსახვევებით, რომლებიც აცხადებენ, რომ არიან პიონერები, თბილისში გაწევრიანდნენ პიონერთა ორგანიზაციაში და შესაბამისად ყელსახვევებსაც ატარებენ.

მომიტინგეებმა სტალინის სახლ-მუზეუმის მიმდებარე ტერიტორიიდან გორის ცენტრალურ მოედანზე გადაინაცვლეს, სწორედ იმ ადგილას, სადაც ადრე საბჭოთა კავშირის ყოფილი ბელადის ძეგლი იდგა.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 13.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
Volvo Art Night - ვოლვო საქართველო გლობალური მიზნების კვალდაკვალ (R)
Trade In! გადაცვალე ძველი ტექნიკა ახალში  - „ელიტ ელექტრონიქსის ახალი წამოწყება“
აღმოსავლეთ ევროპის უნივერსიტეტში საერთაშორისო სამეცნიერო ვორკშოპი - "საშიში ტრანსნაციონალური დანაშაულები და მასთან ბრძოლის ნაციონალური და ინტერნაციონალური სამართლებრივი გზები და საშუალებები” ჩატარდა
„სამ რაან სპა-ცენტრი“ ევროპის საუკეთესო სპად დასახელდა