ადვოკატი - მიხეილ სააკაშვილი ხვალ უსაფრთხოების სამსახურში დაკითხვაზე ვერ გამოცხადდება, რადგან სასამართლოს სხდომას დაესწრება

უკრაინის უსაფრთხოების სამსახურმა საქართველოს ყოფილი პრეზიდენტი მიხეილ სააკაშვილი ხვალ დაკითხვაზე გამოიძახა.

ამის შესახებ მიხეილ სააკაშვილის ადვოკატმა რუსლან ჩერნოლუცკიმ განაცხადა.

მისი თქმით, მიხეილ სააკაშვილი დაკითხვაზე ვერ გამოცხადდება, ვინაიდან სააპელაციო სასამართლოს სხდომაში მიიღებს მონაწილეობას.

„ოფიციალურად უწყება არ მიგვიღია, თუმცა უკრაინის უსაფრთხოების სამსახურიდან დაგვირეკეს. უნდა განვაცხადო, რომ მიხეილ სააკაშვილი ვერ მივა უკრაინის უსაფრთხოების სამსახურში დაკითხვაზე, ვინაიდან ხვალ სააპელაციო სასამართლოს სხდომა გაიმართება, რომელშიც გენერალური პროკურატურა აღკვეთის ღონისძიებას ასაჩივრებს“, - განაცხადა ადვოკატმა.