„სადახლოზე“ არადეკლარირებული სიგარეტი, კუსტარულად დამზადებული არაყი და ყავა აღმოაჩინეს

საბაჟო გამშვებ პუნქტში „სადახლო-საავტომობილო“, ფინანსთა სამინისტროს შემოსავლების სამსახურის მებაჟე ოფიცრებმა, 1600 ღერი არადეკლარირებული სიგარეტი, 25 ლიტრი კუსტარულად დამზადებული არაყი და 20 კგ. ყავა აღმოაჩინეს.

როგორც „ინტერპრესნიუსს“ ფინანსთა სამინისტროს შემოსავლების სამსახურიდან აცნობეს, ტვირთი სომხეთიდან შემომავალი ამავე ქვეყნის მოქალაქის, რ.ი-ს მართვის ქვეშ არსებული ავტომობილის დათვალიერებისას გამოავლინდა.

მათივე ცნობით, საგადასახადო კოდექსის 289-ე მუხლის მე-14 ნაწილის თანახმად კანონდამრღვევ მოქალაქეს სანქციის სახით შეეფარდა ჯარიმა 1 000 ლარის ოდენობით, ასევე საქონლისა და სატრანსპორტო საშუალების ჩამორთმევა.