ქეთევან ციხელაშვილი - ჟენევის მოლაპარაკებებში ჩართვაზე კვირიკაშვილის განცხადება ითვალისწინებდა კონსულტაციებს, რომელიც ამ ფორმატის ეფექტიანობას უკავშირდება

შერიგებისა და სამოქალაქო თანასწორობის საკითხებში სახელმწიფო მინისტრობის კანდიდატის, ქეთევან ციხელაშვილის განცხადებით, გიორგი კვირიკაშვილის განცხადება ჟენევის მოლაპარაკებებში ჩართვასთან დაკავშირებით, ითვალისწინებდა კონსულტაციებს, რომელიც უკავშირდება ამ ფორმატის ეფექტიანობას.

„პრემიერმა ისაუბრა იმ კონსულტაციებზე, რომელიც ჩვენ გვაქვს პარტნიორებთან. ბუნებრივია, ეს კონსულტაციები გვაქვს ძალიან სისტემატურად, რომ არსებული მოლაპარაკებების ფორმატი გახდეს უფრო ეფექტური იმ საკითხებთან მიმართებაში, რომელიც არის ჟენევის დღის წესრიგში. მოგეხსენებათ, წლების განმავლობაში, სამწუხაროდ, მთავარ საკითხებზე არსებითი პროგრესი არ არის მიღწეული. პრემიერმა ასევე ისაუბრა იმ კონსულტაციებზე, რომელიც უკავშირდება ამ ფორმატის ეფექტიანობის და მანდატის გაზრდასაც, სავარაუდოდ, რამდენადაც ჩვენი ამოცანა არის არა მხოლოდ კონკრეტულად ცეცხლის შეწყვეტის შეთანხმების შესრულება, რომელიც არის თავისთავად ძალიან მნიშვნელოვანი და ნომერ პირველი პრიორიტეტი, არამედ საბოლოო ჯამში, კონფლიქტის სრულმასშტაბიანი მოგვარება. ამაზე იყო საუბარი, რომ მიმდინარეობს კონსულტაციები, როგორ გახდეს ეს პროცესი კიდევ უფრო ეფექტური“, - განაცხადა ქეთევან ციხელაშვილმა.

პრემიერ-მინისტრობის კანდიდატი გიორგი კვირიკაშვილი ჟენევის დისკუსიების ფორმატის მინისტრის დონეზე ამაღლების და მასში პირადად ჩართვის მზადყოფნას გამოთქვამს, - ამის შესახებ პრემიერ-მინისტრობის კანდიდატმა გიორგი კვირიკაშვილმა გუშინ, ფრაქცია „საქართველოს პატრიოტებთან“ შეხვედრაზე განაცხადა.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა