რომან გოცირიძე - ამ მარხვაში გინება როგორ შეიძლება?

„ნაციონალური მოძრაობის“ წევრის, რომან გოცირიძის განცხადებით, არ არსებობს არც ერთი სფერო, სადაც ხელისუფლებას რაიმე სახის მიღწევა აქვს, ამიტომ მათ მხარს არ დაუჭერენ, - ამის შესახებ რომან გოცირიძემ ჟურნალისტებს განუცხადა. გოცირიძე პარლამენტში გუშინ მომხდარ ინცინდენტსაც გამოეხმაურა და აღნიშნა, რომ არ შეიძლება კრიტიკის გამო ოპონენტს აგინონ.

„არ მგონია, რომ ნებისმიერ მაყურებელს ერწმუნოს იმის, რასაც მთავრობა ამბობს. ბოლო ერთი წლის მუშაობა რომ ავიღოთ, არ ყოფილა ერთი მიმართულება, სადაც ჩვენ შეგვიძლია ვთქვათ, რომ რაიმე წინსვლა ჰქონდა ამ მთავრობას. ერთი მაგალითიც არაა, რომ გაუმჯობესდა მატერიალური, ან სულიერი, ან პოლიტიკურ– ფილოსოფიური ყოფა. სასამართლო სისტემა მოიშალა, საზღვრები მორღვეულია, ტერორისტები შემოდიან, ადამიანებს იტაცებენ და გადაყავთ აზერბაიჯანში, ნარკოტიკებს უდებენ ახალგაზრდებს, ეკონომიკა დეგრადირებულია, ფასები და სიღარიბე იზრდება, ლარი გაუფასურებულია, კონსტიტუცია თავზე გადაგვახიეს. შარშან ამ დროს, როდესაც ამ მთავრობას ვამტკიცებდით, საქართველოს მოსახლეობა ირჩევდა პრეზიდენტს, დღეს პრეზიდენტის არჩევის უფლებაც არ გვაქვს. ბუნებრივია, რომ მათ მხარს არ დავუჭერთ და გავაკრიტიკებთ. კრიტიკას უნდა მოსმენა და როგორი გამაღიზიანებელიც არ უნდა იყოს, არ უნდა შეაგინო ოპონენტებს. ეს ჩვენი „ქართული ოცნება“ დღე და ღამე ღმერთზე ლოცულობს, დილით ღმერთზე ფიქრობენ და ღამით ანგელოზები ესიზმრებათ და ამ მარხვაში გინება როგორ შეიძლება, თანაც ჯერ სამარხვო გინება არ არის გამოგონებული”, - განაცხადა რომან გოცირიძემ.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 13.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
ტექნიკის უდიდესი გამოფენა ევროპაში, სახელწოდებით IFA 2019, ბერლინში დასრულდა
პუტინს ცემახი უსათუოდ სჭირდება (R)
ვანო ჩხარტიშვილი - მამუკა ხაზარაძე ურცხვად ტყუის
„ვისოლში“, „სმარტში“, „ვენდისსა“ და „დანკინში“ Apple Pay-ის გამოყენებით VISA ბარათებით გადახდისას მომხმარებლებს საჩუქრები ელით
"რომპეტროლის" ნავთობგადამამუშავებელმა ქარხანამ „პეტრომიდიამ“ 40 წლის იუბილე აღნიშნა