„საზოგადოებრივი მაუწყებლის” სამეურვეო საბჭოს თავმჯდომარის, გრიგოლ გოგელიას განმარტებით, „მაუწყებლობის კანონში“ ცვლილებებზე მსჯელობა დაახლოებით ორი წლის წინ დაიწყო.

როგორც გოგელიამ განმარტა, როდესაც მსჯელობამ ბორდზე გადაინაცვლა, სამეურვეო საბჭომ ცვლილებებს მხარი დაუჭირა.

რაც შეეხება პრეზიდენტთან შეხვედრას, გოგელიას თქმით, პრეზიდენტი „მაუწყებლობის შესახებ“ კანონში ცვლილებებზე, სავარაუდოდ, ბორდის წევრების პოზიციას მოისმენს.

"ბორდმა მხარი დავუჭირეთ ამ ცვლილებებს, როცა იყო ამაზე მსჯელობა. ჯერ კიდევ ორი წლის წინ იყო მსჯელობა იმაზე, რომ აუცილებელია გარკვეული ცვლილებები, რათა ეფექტურად იმუშაოს „საზოგადოებრივმა მაუწყებელმა“. რაც შეეხება ამ შეხვედრას, დასვამს ალბათ, პრეზიდენტი კითხვებს, მოისმენს ჩვენს პოზიციებს. არ ვიცი, კონკრეტულად რაზე იქნება საუბარი", - განაცხადა გოგელიამ.