მიხეილ ჯანელიძე - ჩვენს ელჩს აქვს ძალიან მკაფიო ინსტრუქცია, იმოქმედოს ევროპის საბჭოს პრინციპებისა და ეროვნული ინტერესების შესაბამისად

საგარეო საქმეთა მინისტრობის კანდიდატის, მიხეილ ჯანელიძის განცხადებით, ევროპის საბჭოს მინისტრთა კომიტეტს ევროპის საბჭოს საპარლამენტო ასამბლეაში რუსეთის დელეგაციისთვის ხმის მიცემის უფლების აღდგენის საკითხზე საერთოდ არ უმსჯელია.

როგორც ჯანელიძემ პარლამენტის რიგგარეშე სხდომაზე ”ევროპული საქართველოს” წევრის გიორგი კანდელაკის საპასუხოდ განაცხადა, აღნიშნულ საკითხებს არა მინისტრთა კომიტეტი, არამედ საპარლამენტო ასამბლეა განიხილავს.

”ჩვენს ელჩს აქვს ძალიან მკაფიო ინსტრუქცია, იმოქმედოს ევროპის საბჭოს პრინციპებისა და ეროვნული ინტერესების შესაბამისად. რაც შეეხება კონკრეტულად მინისტრთა კომიტეტის განხილვებს, მინდა მოგახსენოთ, რომ ეს ინფორმაცია, რომელიც თქვენ გააჟღერეთ, არის მცდარი ინფორმაცია, რადგან რუსეთის ფედერაციისთვის ხმის აღდგენის საკითხი არ წარმოადგენს მინისტრთა კომიტეტის კომპეტენციას. შესაბამისად, მისი განხილვა ამ ფორმატში ვერ მოხდებოდა ვერანაირად. აქედან გამომდინარე, კონკრეტული ინსტრუქცია კონკრეტულ განხილვაზე, რომელზეც თქვენ მიუთითებთ, ამ შემთხვევაში არარელევანტურია. ზოგადად, მინისტრთა კომიტეტის სხდომები დახურულია და ამაზე საჯაროდ საუბარი ქვეყნების მხრიდან იკრძალება. მინისტრთა კომიტეტი რეგულარულად უკეთებს შეხსენებებს საელჩოებს, რომ ამ ქვეყნების მიერ არ მოხდეს დეტალების გასაჯაროება იმისა, რაც იყო მინისტრთა კომიტეტში. მინისტრთა კომიტეტს არ უმსჯელია რუსეთის ფედერაციისთვის ხმის აღდგენასთან დაკავშირებით. ეს წარმოადგენს მხოლოდ საპარლამენტო ასამბლეის კომპეტენციას”, - განაცხადა ჯანელიძემ.

”ევროპული საქართველოს” წევრი გიორგი კანდელაკი დაინტერესდა თუ რა ინსტრუქცია აქვს მიცემული ევროპის საბჭოში საქართველოს ელჩს ევროპის საბჭოს საპარლამენტო ასამბლეაში რუსეთის დელეგაციისთვის ხმის მიცემის უფლების აღდგენის თაობაზე განხილვებში. მისი ინფორმაციით, რამდენიმე დღის წინ, მინისტრთა კომიტეტში ამ საკითხზე განხილვა გაიმართა, სადაც საქართველოს ელჩს პოზიცია საერთოდ არ დაუფიქსირებია.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 23.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული ყავის კომპანია „მეამა“-ს შენობა საერთაშორისო არქიტექტურული კონკურსის სამეულშია
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს