მიხეილ გიორგაძე - კულტურული მემკვიდრეობის დაცვის სააგენტო დადიანების ტყე-პარკის რეაბილიტაციის პროექტს უახლოეს პერიოდში წარმოადგენს

კულტურისა და ძეგლთა დაცვის მინისტრობის კანდიდატ მიხეილ გიორგაძის ინფორმაციით, კულტურული მემკვიდრეობის დაცვის სააგენტო დადიანების ტყე-პარკის რეაბილიტაციის პროექტს უახლოეს პერიოდში წარმოადგენს.

ამის შესახებ გიორგაძემ პარლამენტის რიგგარეშე პლენარულ სხდომაზე განაცხადა, სადაც მთავრობისთვის ნდობის გამოცხადების საკითხს განიხილავენ.

„2006 წლიდან უკვე აქვს ძეგლის სტატუსი ტყე-პარკს. კუტლურული მემკვიდრეობის დაცვის სააგენტოს მიერ არის მინიჭებული ეს სტატუსი. ჩვენი შეხვედრის შემდეგ სააგენტოს დაკვეთით გაკეთდა სარეაბილიტაციო პროექტი, თუმცა ეს უფრო კონცეფციაა და არა დეტალური პროექტი. შესაბამისად, კონკრეტულ ხარჯთაღირცვამდე საქმე არ მისულა. სააგენტო არ არის ბოლომდე კმაყოფილი მიღებული პროდუქტით და ამ პროექტის დახვეწა მიმდინარეობს და დაპირებისამებრ, სააგენტო გვპირდება, რომ უახლოეს პერიოდში მზად იქნებიან უფრო დეტალური, ბოლომდე გაწერილი პროექტი წარმოადგინოს და ამის საჯარო განხილვა მოხდეს“, - განაცხადა მიხეილ გიორგაძემ.

ოპოზიციონერმა დეპუტატი აკაკი ბობოხიძემ პრემიერ-მინისტრობის კანდიდატ გიორგი კვირიკაშვილს დადიანების ტყე-პარკის და მიმდებარე ტერიტორიის აღდგენაზე მუშაობის დაწყების თხოვნით მიმართა. როგორც ბობოხიძემ პარლამენტის რიგგარეშე სესიაზე განაცხადა, ამის გაკეთება მნიშვნელოვანია, როგორც ისტორიული, ასევე ტურისტული თვალსაზრისით.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
საქართველოს მოქალაქეები შეძლებენ უფასოდ გაიარონ კონსულტაცია უცხოელ ექიმებთან