”საზოგადოებრივი მაუწყებლის” სამეურვეო საბჭოს წევრის, ქეთევან მსხილაძის ინფორმაციით, პრეზიდენტთან შეხვედრაზე მან რეკლამასთან დაკავშირებით საკუთარი მოსაზრებები დააფიქსირა. ამის შესახებ ქეთევან მსხილაძემ პრეზიდენტთან ”მაუწყებლობის შესახებ” კანონში ცვლილებებთან დაკავშირებით გამართული შეხვედრის შემდეგ განაცხადა.
ჟურნალისტების კითხვაზე, ეთანხმება თუ არა პრეზიდენტი "მაუწყებლობის შესახებ” კანონში ცვლილებებს, ბორდის წევრმა განაცხადა, რომ ეს კითხვა პრეზიდენტს უნდა დაესვას.
"პრეზიდენტს უნდა დაუსვათ კითხვა, ეთანხმება თუ არა ცვლილებებს. ყოველ შემთხვევაში ვისაუბრეთ იმ პრობლემურ საკითხებზე, რომელიც მედიას აწუხებს. ეს იყო შეხვედრა, სადაც ყველას ჰქონდა შესაძლებლობა გამოეთქვა თავისი მოსაზრება. მე გამოვთქვი ჩემი მოსაზრებები რეკლამასთან დაკავშირებით, ზუსტად ის, რაც შეხვედრამდე ვთქვი, რომ რეკლამების შემცირების ფონზე, ”საზოგადოებრივი მაუწყებლისთვის” კომერციული რეკლამის განთავსების უფლების მინიჭება, ნეგატიურად აისახება კომერციულ ტელევიზიებზე", - განაცხადა ქეთევან მსხილაძემ.