ე.წ. მესაზღვრეების მიერ სოფელ ხურვალეთში დაკავებული 55 წლის ლალი ხაჩირაშვილი თავისუფალია. აღნიშნული ინფორმაცია „ინტერპრესნიუსს“ სახელმწიფო უსაფრთხოების სამსახურში დაუდასტურეს. გათავისუფლების დეტალები ამ ეტაპზე უცნობია.
ხაჩირაშვილის საცხოვრებელი სახლი და მიწის ნაკვეთი გამყოფი ხაზის მიჯნაზეა, შესაბამისად, ოჯახის წევრები მუდმივად ადმინისტრაციული საზღვრის პერიმეტრზე გადაადგილდებიან, თუმცა, სხვა დროს პრობლემები არ შექმნიათ.
ლალი ხაჩირაშვილი ხურვალეთში, მიუსაფარ მოხუცთა თავშესაფარში მუშაობს.