გია ნიჟარაძე - ვთანხმდებით იმაზე, რომ რეკლამის თემა ყველაზე მნიშვნელოვანი და პრობლემატური საკითხია, რომელზეც ყველას ერთად გვაქვს სამუშაო

ვთანხმდებით იმაზე, რომ რეკლამის თემა ყველაზე მნიშვნელოვანი და პრობლემატური საკითხია, რომელზეც ყველას ერთად გვაქვს სამუშაო და მოსაფიქრებელი,რა უნდა გავაკეთოთ, - ამის შესახებ საზოგადოებრივი მაუწყებლის სამეურვეო საბჭოს წევრმა გია ნიჟარაძემ პრეზიდენტთან, მაუწყებლის შესახებ კანონში ცვლილებებთან დაკავშირებით გამართული შეხვედრის შემდეგ განაცხადა.

როგორც მან აღნიშნა, შეხვედრაზე პრეზიდენტმა საკუთარი არგუმენტები მოიყვანა რეკლამის ნაწილზე და ბორდის წევრებს საკუთარი აზრი გააცნო.

„ძალიან კარგი და საინტერესო შეხვედრა იყო. გავცვალეთ ინფორმაცია, არგუმენტები. მიმოვიხილეთ ის ძირითადი საპრობლემო საკითხები. ამ საკითხების აბსოლუტურ უმრავლესობაზე ჩვენ შევთანხმდებით და ერთიანი ხედვა გვაქვს. ყველაზე პრობლემური რეკლამის საკითხია. ეს არის რეალურად პრობლემა, რომელზეც საფიქრალი გვაქვს ყველას ერთად. პრეზიდენტმა საკუთარი არგუმენტები მოიყვანა იმ ნაწილზე, რაც რეკლამას შეეხებოდა. ჩვენ გავაცანით ჩვენი ხედვა, რომელიც აბსოლუტურად ერთნაირი არ იყო. თუმცა, ვთანხმდებით იმაზე, რომ ეს არის ის ყველაზე მნიშვნელოვანი და პრობლემატური საკითხი, რომელზეც ყველას ერთად გვაქვს სამუშაო და მოსაფიქრებელი, რა უნდა გავაკეთოთ“, - განაცხადა ნიჟარაძემ.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა