გიორგი კვირიკაშვილი - 10 წელი შესრულდა ბუქარესტის სამიტის გადაწყვეტილებიდან და ჩვენ გვჭირდება შემდგომი პოლიტიკური ნაბიჯები ნატოსგან

10 წელი შესრულდა ბუქარესტის სამიტის გადაწყვეტილებიდან და ჩვენ ნამდვილად გვჭირდება შემდგომი პოლიტიკური ნაბიჯები, რომელსაც ნატო გადადგამს საქართველოს მიმართ, - ამის შესახებ პარლამენტის რიგგარეშე სხდომაზე პრემიერ-მინისტრობის კანდიდატმა გიორგი კვირიკაშვილმა განაცხადა.

მისი თქმით, საქართველო ემზადება ნატო-ს მომდევნო სამიტისთვის და პრემიერობის კანდიდატი იმედოვნებს, რომ ამ სამიტის დროს მოხერხდება ქვეყნის მეთაურების დონეზე ნატო-საქართველოს საბჭოს მოწვევა.

”თავდაცვის მინისტრმა ისაუბრა შავი ზღვის თავდაცვის ინიციატივაზე. საქართველო მაქსიმალურად ცდილობს აქტიურად ჩაერთოს ამ ინიციატივაში. ნატო-ში ინტეგრაცია არის ჩვენი ქვეყნის სტრატეგიული ხაზი. ვემზადებით ნატო-ს შემდეგი სამიტისთვის 2018 წელს. დიდი იმედი გვაქვს, რომ ამ სამიტის დროს მოხერხდება ქვეყნის მეთაურების დონეზე ნატო-საქართველოს საბჭოს მოწვევა, სადაც კიდევ ერთხელ გაესმება ხაზი ღია კარის პოლიტიკას საქართველოსთან მიმართებაში. 10 წელი შესრულდა ბუქარესტის სამიტის გადაწყვეტილებიდან და ჩვენ ნამდვილად გვჭირდება შემდგომი პოლიტიკური ნაბიჯები, რომელსაც ეს ძალიან მნიშვნელოვანი ალიანსი გადმოდგამს საქართველოს მიმართ. დიპლომატიური მექანიზმები მაქსიმალურად მუშაობს. ჩვენ ყველანი ვართ ჩართულები, დელეგაციებიც აქტიურად მუშაობენ ამ მიმართულებით და ეს არის ჩვენთვის არა მხოლოდ სამხედრო-თავდაცვითი ალიანსი, არამედ ის ოჯახიც, რომელიც ღირებულებების გარშემო ერთიანდება და სწორედ ეს ღირებულებები არის სტრატეგიული ხაზი საქართველოსთვის”, - განაცხადა კვირიკაშვილმა.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა