გია ხუხაშვილი - ღირსების დაცვას გავიგებდი, რომ ეცემა, მაგრამ შორიდან დაცვა, დგას შუაში და იგინება, ეს რანაირად არის ღირსების დაცვა

კვირიკაშვილმა გვაჩვენა, რომ ის არის ადამიანი, რომელიც ძალიან ბანალურ, მარტივ პროვოკაციაზე შეიძლება წამოეგოს და ეს ქმნის სახელმწიფო რისკებს, - ამის შესახებ „პალიტრანიუსის“ გადაცემაში „360 გრადუსი“ ექსპერტმა გია ხუხაშვილმა განაცხადა.

მისი თქმით, გაუგებარია ღირსების დაცვა გინებით. ექსპერტი ამ კონტექსტში საუბრისას, თმენის ვალდებულების აუცილებლობაზეც ამახვილებს ყურადღებას.

„ღირსების დაცვა გინებით რანაირად ხდება, მე არ ვიცი. ადამიანურ ჭრილში, ღირსების დაცვას გავიგებდი, რომ ეცემა, მაგრამ შორიდან დაცვა, რომ დგას შუაში და მუქარით იგინება, ეს რანაირად არის ღირსების დაცვა, პირველად გავიგე. რაც შეეხება პოლიტიკურ ჭრილს, ეს პოლიტიკურად ყოვლად მიუღებელია. თმენის ვალდებულება, განსაკუთრებით უმაღლესი პოლიტიკური თანამდებობის პირებისთვის, აუცილებელი მოთხოვნაა. შესაბამისად, ადამიანური ჭრილით გამართლება პოლიტიკურის, ვფიქრობ, არასწორია.

კვირიკაშვილმა მარტო თვითონ კი არ დაიზიანა თავი, შექმნა სახელმწიფო რისკები. პრემიერ-მინისტრის შემთხვევაში, როდესაც მას შეუძლია ემოციას ასე აჰყვეს და ამ ფორმით ცდილობს „ღირსების დაცვას“, მისი პრობლემაა. მეორე მხრივ, ეს ქვეყნის პირველი პირის აბსოლუტურად შეუფერებელი საქციელია. კვირიკაშვილმა გვაჩვენა, რომ ის არის ადამიანი, რომელიც ძალიან ბანალურ, მარტივ პროვოკაციაზე შეიძლება წამოეგოს. „ნაციონალურ მოძრაობაში“ რომ პროვოკატორები სხედან, ამას რად უნდა ლაპარაკი?!“, - განაცხადა გია ხუხაშვილმა.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო