პარლამენტში ისეთი შეურაცხყოფები მიაყენეს პრემიერ-მინისტრს, რომ ამას ნორმალური ადამიანი ძალიან ძნელად გადაიტანდა, - ასე გამოეხმაურაბიზნესმენი გია გაჩეჩილაძე („უცნობი“) გუშინ, პარლამენტში მომხდარ დაპირისპირებას.
როგორც გაჩეჩილაძემ „პალიტრანიუსის“ გადაცემაში „360 გრადუსი“ განაცხადა, გიორგი კვირიკაშვილი გამოვიდა წყობიდან, რაზეც მოგვიანებით მანვე გააკეთა ადეკვატური შეფასება.
„პირველ რიგში ადამიანები ვართ და შემდეგ - თანამდებობის პირები. ადამიანი გამოვიდა წყობიდან და მერე გააკეთა ამის ადეკვატური შეფასება. ეს ცალკე პოლიტიკური შეფასების მომენტია, რომელიც უკვე გაშიფრულია და ზედმეტ კითხვებს აღარ საჭიროებს. პარლამენტში ისეთი შეურაცხყოფები მიაყენეს პრემიერ-მინისტრს, რომ ამას ნორმალური ადამიანი ძალიან ძნელად გადაიტანდა“, - განაცხადა გია გაჩეჩილაძემ.