ანრი ოხანაშვილი - ნიკა მელიასგან პრემიერ-მინისტრს ან უმრავლესობას სარკეში ჩასახედი არაფერი სჭირს

ნიკა მელიასგან პრემიერ-მინისტრს ან უმრავლესობას სარკეში ჩასახედი არაფერი სჭირს, - ამის შესახებ „პალიტრანიუსის“ გადაცემაში „360 გრადუსი“, საპარლამენტო უმრავლესობის წევრმა ანრი ოხანაშვილმა განაცხადა.

მისი თქმით, პარლამენტის ყველა წევრს აქვს უფლება, დასვას მისთვის სასურველი კითხვა, მაგრამ აუცილებლია, რომ ის იცავდეს ეთიკის ნორმებს, რაც გუშინ ოპოზიციონერი დეპუტატების მხრიდან არ იყო გათვალისწინებული. ოხანაშვილის განცხადებით, მთავრობას კარგად ესმის, თუ რა გამოწვევებია ქვეყნის წინაშე და მთავრობის მეთაური ყოველთვის მზად არის თანამშრომლობისთვის.

„ნიკა მელიასგან პრემიერ-მინისტრს ან უმრავლესობას სარკეში ჩასახედი არაფერი სჭირს. ჩვენ ძალიან კარგად გვესმის ქვეყანაში არსებული გამოწვევები. მთავრობა კარგად და ეფექტიანად უმკლავდება ყველა იმ საჭირო საკითხს, რომელიც ჩვენი ქვეყნის წინაშე დგას. თუ შესაბამისი პოლიტიკოსი, თუკი შეიძლება ზოგიერთს ასე ვუწოდოთ, დასვამს საკითხს, ჩვეულებრივად აღქმული თემაა, რადგან ნებისმიერ პარლამენტარს აქვს უფლება, დასვას მისთვის სასურველი კითხვა, სასურველ საკითხზე, მაგრამ ეს ყველაფერი უნდა ჯდებოდეს ეთიკის ფარგლებში, პატივი უნდა ვცეთ პარლამენტს, ქვეყნის მთავრობას, პრემიერ-მინისტრს”, - განაცხადა ანრი ოხანაშვილმა.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა