პარლამენტის სხდომათა დარბაზში ხმაურია. სხდომა რამდენიმე წუთით შეწყვეტილი იყო. ხმაური „ნაციონალური მოძრაობის“ წევრ ნიკა მელიას სიტყვით გამოსვლის შემდეგ დაიწყო.

კერძოდ, მელიამ პარლამენტის ტრიბუნიდან მთავრობის ლოჟისკენ გადაინაცვლა და მინისტრებს ახლო მანძილიდან მიმართავდა. პროცესი დეპუტატებს და მინისტრებს შორის სიტყვიერ შელაპარაკებაში გადაიზარდა.

ვითარების განმუხტვაში მანდატურის სამსახურის ჩარევა გახდა საჭირო. პარლამენტის თავმჯდომარემ ნიკა მელიას, სხდომათა დარბაზის დატოვებისკენ რამდენჯერმე მოუწოდა. ამ დროისთვის ვითარება განმუხტულია და სხდომა განახლდა.